March 4, 2021

Vision Tamil

Srilanka's Genuine News Source

புகைப்படத்தில் இருப்பது நான் இல்லை: தனக்கு அதில் நம்பிக்கை இல்லை! தம்பிக்க

இலங்கையின் பாணி மருந்து புகழ் தம்பிக்க பண்டார கொரோனா தடுப்பூசி பெற்றதாக வெளியாகிய புகைப்படம் தனது அல்ல என்கிறார் அவர். அத்துடன் தனக்கு அதில் நம்பிக்கை இல்லை என்றும் அவர் கூறியுள்ளார்.

கொரோனா நோய்த் தொற்றை இல்லாதொழிக்கக்கூடிய பாணி மருந்து ஒன்று தயாரிக்கப்பட்டுள்ளதாக தம்மிக்க பண்டார ஊடகங்களில் கருத்து வெளியிட்டதனைத் தொடர்ந்து அண்மைக் காலத்தில் பரபரப்பை ஏற்படுத்தியிருந்தது.

இந்த நிலையில், தம்மிக்க பண்டார கொரோனா தடுப்பூசி பெற்றுக்கொள்வது போன்றதொரு புகைப்படம் சமூக ஊடகங்களில் வைரலாகி வருகின்றது.

எனினும் தாம் கொரோனா தடுப்பூசி பெற்றுக் கொள்ளவில்லை என தம்மிக்க பண்டார திட்டவட்டமாக அறிவித்துள்ளார்.

தமக்கு சேறு பூசும் நோக்கில் திரிபுபடுத்தப்பட்ட புகைப்படம் ஒன்றை பயன்படுத்தி தாம் தடுப்பூசி பெற்றுக் கொண்டதாக தகவல் வெளியிடப்பட்டுள்ளது என அவர் சுட்டிக்காட்டியுள்ளார்.

தொடர்ந்தும் பாணியை தயாரித்து வருவதாகவும் பெரும் எண்ணிக்கையிலானவர்கள் மருந்தை பெற்றுக் கொள்வதாகவும் அவர் தெரிவித்துள்ளார்.

கொவிட் தடுப்பூசி பற்றி தனக்கு நம்பிக்கை கிடையாது என்று குறிப்பிட்ட தம்மிக்க, கொரோனா தடுப்பூசி பெற்றுக்கொள்வது போன்ற புகைப்படத்தில் இருப்பது தான் இல்லை என்றும் குறிப்பிட்டுள்ளார்.

Leave a Reply

Your email address will not be published. Required fields are marked *

Copyright © All rights reserved. | Newsphere by AF themes.